पर्व 4 - 'सेक्स' वर बोलू काही - भाग 10 (लैंगिकता - 2)

लैंगिकता म्हणजे लिंगविषयक मानसिकता. स्त्री, पुरुष किंवा इतर लैंगिकतेच्या व्यक्तींचे लिंगविषयक विचार, भावना व वर्तन म्हणजे लैंगिकता होय. ही लैंगिकता बहुतांशी प्रत्येकाच्या जन्मापासून मृत्यूपर्यंत सोबत असते. लैंगिकतेविषयीचे आपले आचार-विचार हे आपले व्यक्तिमत्त्व ठरवत असतात. त्यामुळेच लैंगिकता ही आपल्या व्यक्तिमत्वाचा सुद्धा एक भाग असते.
मेंदूतील हार्मोन्स चे प्रमाण, स्वतःची व आजूबाजूची मानसिक, शारीरिक, सामाजिक व कौटुंबिक परिस्थिती यांसारख्या अनेक गोष्टी आपली लैंगिकता ठरण्यात किंवा ठरवण्यात कारणीभूत असतात किंवा मदत करत असतात. त्यानुसार लैंगिकतेचे अनेक वेगवेगळे प्रकार पडतात.
आपल्या आजूबाजूला स्त्री व पुरुष यांच्यासोबत व यांच्यामध्ये सुद्धा अनेक वेगवेगळ्या लैंगिकता असणाऱ्या व्यक्ती सुद्धा राहत असतात. स्त्रियांना पुरुषांविषयी व पुरुषांना स्त्रियांविषयी आकर्षण असेल तर अशा स्त्री पुरुषांना भिन्नलिंगी आकर्षण असणारे स्त्री - पुरुष (Heterosexual) म्हणतात. काही स्त्रियांना फक्त स्त्रियांविषयी व काही पुरुषांना फक्त पुरुषांविषयीच लैंगिक आकर्षण असते. त्यांना समलिंगी आकर्षण असणारे स्त्री व पुरुष (Homosexual) असे म्हणतात. यातील स्त्रियांना लेस्बियन तर पुरुषांना गे असेही म्हणतात. काही स्त्रिया व पुरुष यांना स्त्री व पुरुष दोघांविषयी लैंगिक आकर्षण असते, त्यांना उभयलिंगी आकर्षण असणारे स्त्री किंवा पुरुष (Bi-sexual) असे म्हणतात. तर काही स्त्रिया व पुरुष यांना कुणाविषयीच लैंगिक आकर्षण नसते त्यांना अलैंगिक (Asexual) स्त्री/पुरुष असे म्हणतात. काही व्यक्तींमध्ये शरीर स्त्रीचे असले तरी मेंदूमध्ये लैंगिक भावना मात्र पुरुषाच्या असतात किंवा शरीर पुरुषाचे असले तरी मेंदूमध्ये लैंगिक भावना मात्र स्त्रियांच्या असतात. त्यांना पारलिंगी (Transgender) किंवा तृतीयपंथी असे म्हणतात. यांपेक्षा वेगवेगळ्या सुद्धा भाव भावना असणाऱ्या, यांतील कोणत्याच लैंगिकते मध्ये पूर्णपणे न बसणारे असेही काही स्त्री पुरुष असतात. त्यांची सुद्धा लैंगिकता वेगवेगळी असते. अशा अनेक वेगवेगळ्या प्रकारच्या लैंगिकता असणाऱ्या व्यक्ती आपल्या आजूबाजूला असतात. या व्यक्तींची लैंगिकता तेवढीच नैसर्गिक असते जेवढी भिन्नलिंगी आकर्षण असणाऱ्या स्त्री-पुरुषांची असते. त्यामुळे त्यांच्या या लैंगिकतेसह आपण त्यांचा सन्मान करायला हवा. त्यांना आपल्याकडून त्यांच्या लैंगिकतेवरून काही त्रास दिला जाणार नाही याची काळजी घ्यायला हवी.

- सचिन थिटे (8424041159)
(तुमच्या शंका, सूचना, मते, प्रतिक्रिया, अनुभव नक्की शेअर करा.)

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

पर्व 4 - 'सेक्स' वर बोलू काही (भाग 3 - मुक्त लैंगिकता म्हणजे काय?)

मुक्त लैंगिकतेचा पुरस्कार करताना किंवा याविषयी काहीही मत बनवण्याआधी आपल्याला मुक्त लैंगिकता म्हणजे नेमके काय? हे समजून घ्यायला हवे. फक्त लैंगिकता हा शब्द आल्यामुळे काहींच्या मनात त्याच्या मुक्तपणाविषयी नकारात्मक भावना येवू शकतात किंवा काहींना हे आपल्यासाठी मोकळे रान असल्यासारखे वाटू शकते. यासाठीच याच्या सर्व बाजू आधी समजून घेऊन मगच आपले मत बनवायला हवे. मुक्त लैंगिकतेचा विचार करताना सर्वप्रथम आपल्याला हे समजून घ्यावे लागते की समाजात वेगवेगळ्या प्रकारच्या लैंगिकतेचे व्यक्ती असतात. ज्यामध्ये भिन्नलिंगी, समलिंगी, उभयलिंगी, ट्रान्सजेंडर, असेक्शुअल व यांसारखे इतर अनेक प्रकार असतात. यातल्या काही प्रकारांविषयी आपल्या आधीच्या लेखांत व 'अग्गंबाई अरेच्चा' या पुस्तकात लिहिलेले आहेच आणि अजूनही पुढे सुद्धा शक्य तेवढ्या प्रकारांविषयी आपण बोलणारच आहोत. तर अशा सर्व प्रकारच्या लैंगिकता आपल्याला आधी किमान माहिती असायला हव्यात आणि मग त्या मान्य सुद्धा असायला हव्यात. या वेगवेगळ्या लैंगिकतेच्या व्यक्तींना आपण वेगळ्या नजरेने न पाहता किंवा यांच्याविषयी मनात कोणतेही नकारात्मक भाव न ठेवता त्यांनाही मोकळ...
अधिक वाचा

शेअरिंग केअरिंग - भाग 39 (पालकत्व - 1)

सर्वच लहान मुलं ही चुकांतूनच शिकत शिकत मोठी होत असतात. आज मोठे असणारेही अशाच पद्धतीने मोठे झाले आहेत आणि उद्याचेही असेच मोठे होणार आहेत. अशा वेळी त्यांच्याकडून होणाऱ्या चुकांच्या वेळी आजूबाजूचे मोठे त्यांच्याशी कसे वागतात? यावरून या लहानांचे भावविश्व आणि पुढील व्यक्तिमत्त्वातील अनेक गोष्टी घडत असतात. एकतर लहान मुलांसोबत राहताना, वागताना मोठ्यांनी अनेक गोष्टी आधी स्वतः समजून लक्षात घेऊन वागणे गरजेचे असते. मुलांसाठी हे जग पूर्णपणे नवीन आहे आणि आपल्यासाठी अगदी क्षुल्लक असणारी गोष्ट सुद्धा किंवा अगदीच गंभीर असणारी गोष्ट सुद्धा त्यांच्यासाठी मात्र नवीन असल्याने त्यांना या दोन्हीही गोष्टी सारख्याच असतात हे लक्षात घ्यायला हवे. मुलांच्या अनेक कृती किंवा बोलण्यांमध्ये त्यांचे आपल्याला माहिती असणारे अर्थ त्यांना अनेकदा माहिती पण नसतात किंवा त्यांचे महत्त्व किंवा गांभीर्य त्यांना माहिती नसते. अगदी निरागसपणे कुठेतरी ऐकलेले शब्द ते त्यांच्या त्यांच्या समजेनुसार कुठे कुठे वापरत असतात. हे जर आधी पालकांनी किंवा आजुबाजूच्या सर्वच मोठ्यांनी नीट समजून घेतले तर त्यांना आपल्या या लहान मुलांशी अशा प्रसंगी क...
अधिक वाचा

लैंगिक संबंध

*लैंगिक संबंध ही आयुष्यातील अतिशय महत्त्वाची आणि तेवढीच आनंददायी असणारी गोष्ट.* *विवाह या एका संकल्पनेमुळे त्यावर आलेली अनेक बंधनं, त्याचवेळी या आनंददायी कृतीसाठी एक हक्काचा जोडीदार मिळणं, पण यामुळेच अनेकदा त्यातून एकाच व्यक्तीवर लैंगिक सबंधांसाठी येणारे बंधन, अपेक्षा व जबरदस्ती* कधी स्वतःची, तर कधी स्वतःकडून असणारी समोरच्याची लैंगिक इच्छा, अपेक्षा पूर्ण न होण्याने येणारे नैराश्य व ताणतणाव यात ग्रासलेली अनेक माणसं... जोडीदाराने स्वतःच्या लैंगिक आनंदासाठी इतरत्र शोधलेले मार्ग व यातून दुसऱ्या जोडीदाराला होणारा त्रास.. जोडीदारांमध्ये एकमेकांवर संशय घेण्याचेही एक मोठे कारण म्हणजे लैंगिक संबंधच.. तर कधी जोडीदाराने स्वतःच स्पष्टपणे इतरत्र पर्याय शोधायला सांगूनही तसा खात्रीचा पर्याय उपलब्ध नसल्याने असणारी अस्वस्थता.. कधी जोडीदाराला इतरत्र पर्याय शोधायला सांगणं, त्याला/तिला तो भेटणं, त्यांनी तो एन्जॉय करणं; पण ते करत असताना जोडीदाराकडे दुर्लक्ष होणं आणि त्यातून पुन्हा नात्यात ताण तणाव येणं.. कधी दोघांपैकी एका जोडीदाराला हवा तसा पर्याय मिळणं आणि त्यांनी तो एन्जॉय करणं; पण त्याचवेळी दुसऱ्या जोड...
अधिक वाचा